جناب زاہد علی خاں ایڈیٹر روز نامہ ’سیاست‘، مفتی خلیل الرحمن قاسمی اور دیگر معززین شرکت کریں گے
ناندیڑ۔/8نومبر(سیاست ڈسٹرکٹ نیوز)جناب محمد الطاف صدر پیس ایجوکیشن اینڈ ویلفئیر سوسائٹی ناندیڑ نے اپنے ایک صحافتی بیان میں بتایاکہ ملکی سطح پر مسلمانان ہند شادی بیاہ کی تقریب کو سادگی کے ساتھ منانے شعور بیداری مہم کے تحت پیس سوسائٹی کے زیراہتمام 9نومبر بروز جمعہ بعد نماز مغرب انوار گارڈن فنکشن ہال’حیدرباغ نمبر1’ناندیڑ ‘مہاراشٹرا میں عظیم الشان پیمانہ پر جلسہ سیرت النبی ؐو اصلاح معاشرہ کا انعقاد عمل میں لایا جارہاہے جسکی سرپرستی مفتی مہاراشٹرا الحاج مفتی خلیل الرحمٰن قاسمی مفتئی اول کرینگے جبکہ آفتاب صحافت ممتاز بزرگ صحافی عالی جناب الحاج نواب زاہد علی خان مدیر اعلیٰ روز نامہ’ سیاست‘ حیدرآباد صدارت کریں گے۔ حضرت رفیع الدین اشرفی پربھنی ، مولانا محمد محسن پاشاہ انصاری قادری نقشبندی ، ڈاکٹر علیم خان فلکی مرکزی صدر سوشیوریفارمس سوسائیٹی حیدرآباد مہمانان خصوصی کی حیثیت سے خطاب کرینگے۔مولانا محمد ایوب قاسمی نظامت کے فرائض انجام دیں گے۔مقامی شرکاء جناب سید معین الدین کارگذار صدر سماج وادی پارٹی’جناب شمیم عبداللہ چیرمین اسٹینڈنگ کمیٹی بلدیہ عظمیٰ، ڈاکٹر وجاہت مرزا ایم ایل سی ،جناب محمد ناصر کارپوریٹر ‘جناب مسعود خان کارپوریٹر،الحاج عبدالجلیل عمودی سیٹھ’جناب عبدالصمد سیٹھ سابق کارپوریٹر ‘جناب محمد خان پٹھان راشٹروادی کانگریس،جناب ذاکر چاؤش سماجی قائد،جناب حاجی نہال سیٹھ گروپ لیڈر بلدیہ ہنگولی، حضرت سید شاہ محمد نصیر الدین متولی بڑی درگاہ شریف ناندیڑ، مولانا سرور قاسمی صدر صفا بیت المال ،جناب مجیب احمد جاگیر دار صدر بلدیہ مدکھیڑ،جناب الحاج شیخ محمد سیکریٹری مولانا آزاد ایجوکیشن سوسائٹی،جناب سید ہاشم سیٹھ،جناب سید عظمت علی سید حسن علی سماجی قائد،جناب سلیم ملی جمعیتہ العلماء ،جناب قاضی محمد رفیق (جمعیتہ العلماء ) و دیگر بھی شرکت کریں گے۔