اوٹکور ۔ 15 ۔ اگسٹ ( سیاست ڈسٹرکٹ نیوز ) جناب محمد منظور احمد گنتہ ذمہ دار شعبہ نشر و اشاعت جماعت اسلامی ہند اوٹکور کے پریس نوٹ کے مطابق کل بروز ہفتہ بتاریخ 16 اگسٹ کو جامع مسجد پنچ اوٹکور میں مولانا خواجہ عارف الدین امیر حلقہ جماعت اسلامی ہند آندھراپردیش اور اڑیسہ کا تنظیمی اور تربیتی پروگرام پر مبنی دورہ اوٹکور ہے اس موقع پر اوٹکور مستقر کے علاوہ مکتھل ، نارائن پیٹ ، گنڈمال ، محبوب نگر ، جڑچرلہ ، ، جاجاپور ، کے ارکان ، کارکنوں ، متوسلین جماعت اسلامی اور خواتین جماعت اسلامی کی شرکت لازمی ہوگی۔ جناب کاظم حسین امیر مقامی نے بتایا کہ مولانا خواجہ عارف الدین امیر حلقہ جماعت اسلامی ہند صبح 10.30 سے اوٹکور پر مقررہ پروگراموں میں شرکت کرتے ہوئے بروزہفتہ کل دن بھر راست نگرانی کرتے رہیں گے ۔ اس کے بعد جامع مسجد پنچ میں مولانا خواجہ عارف الدین امیر حلقہ جماعت اسلامی کا بعد نماز مغرب خطاب ہوگا ۔
