سینٹ پیٹرزبرگ۔3جون(سیاست ڈاٹ کام ) فٹبال ورلڈ کپ میں روسی بلی فاتح ٹیموں کے حوالے سے پیش قیاسی کرے گی۔ اس کا نام ایشلیس اور مقام سینٹ پیٹرزبرگ کا ہیرمیٹیج میوزیم ہے جہاں اس کی ٹریننگ بھی ہو رہی ہے، اس سے قبل یہ بلی کنفیڈریشن کپ کے مقابلے میں بھی درست پیش قیاسی کرچکی ہے۔ اسے دراصل پال دی آکٹوپس کی جگہ کیلیے تیار کیا جا رہا ہے جو گزشتہ ورلڈ کپ میں جرمن میچز کے بارے میں بالکل درست پیش قیاسی کرتا رہا، آخر میں اس نے اسپین کی فتح کیلئے پیش قیاسی کردی تھی۔
