کراچی ، 9 اپریل (سیاست ڈاٹ کام) ٹریفک وارڈن سے جھگڑے کی دھول ابھی پوری طرح بیٹھی نہیں تھی کہ عمر اکمل اب قذافی اسٹیڈیم میں سکیورٹی گارڈ سے الجھ پڑے ہیں۔ پی سی بی ذرائع کے مطابق پاکستانی کرکٹ ٹیم کے بیٹسمن عمر اکمل پی سی بی ہیڈ کوارٹرز قذافی اسٹیڈیم پہنچے، جہاں ان کی گاڑی پارک کرنے کے معاملے پر سکیورٹی گارڈ سے تلخ کلامی ہوگئی اوروہ غصے میں آکر پی سی بی جانے کے بجائے واپس چلے گئے۔ بتایا گیا ہے کہ عمر اکمل گاڑی سمیت اندر جانا چاہتے تھے لیکن گارڈ نے انہیں روک دیا جس پر دونوں میں تلخ کلامی ہو گئی۔
