بغداد۔23نومبر ( سیاست ڈاٹ کام ) عراق کے عہدیداروں نے کہا کہ بغداد کے جنوب میں ایک بازار میں کار بم دھماکہ سے 7افراد ہلاک ہوگئے ۔ پولیس کے بموجب یہ واقعہ قصبہ یوسفیا میں آج صبح پیش آیا ۔ طبی عہدیداروں نے بھی ہلاکتوں کی توثیق کردی ۔ کسی بھی گروپ نے فوری طور پر دھماکہ کی ذمہ داری قبول نہیںکی ہے ۔ عراق کو 2011ء سے دولت اسلامیہ کے جنگجوؤں سے خطرہ لاحق ہے جنہوں نے ایک تہائی ملک پر قبضہ کرلیا ہے ۔ عراق اور شام میں امریکی زیرقیادت فضائی حملوں کا ان جنگجوؤں کو نشانہ بنایا جارہا ہے ۔
