بارباڈوز۔25جون ( سیاست ڈاٹ کام ) سابق پاکستانی کپتان ظہیرعباس نے صدر آئی سی سی کی حیثیت سے کرکٹ کے اس فاضل ادارہ کے یہاںجاری سالانہ کانفرنس کے تیسرے روز جائزہ حاصل کرلیا ہے۔ ظہیر نے اپنی ایک سالہ میعاد شروع کی اور اپنی نامزدگی کی توثیق کیلئے آئی سی سی بورڈ اور مکمل کونسل کا شکریہ ادا کیا ۔ انہوں نے کہا : ’’ مجھے ہمارے عظیم کھیل کی گورننگ باڈی کے صدر کی حیثیت سے مقرر کئے جانے پر واقعی اعزاز کا احساس ہورہا ہے ۔ یہ وہی کھیل ہے جس نے ہمیںدوستی ‘ احترام ‘ عزیت اور موقع عطا کیا کہ ہمارے ملکوں کی مختلف حیثیتوں سے خدمت کرسکیں۔ شخصی تجربے کی بات کہوں تو اس کھیل نے مجھے اتنا کچھ دیا ہے کہ شائد میں اسے واپس لوٹا نہیں سکتا۔ ‘‘ آئی سی سی چیرمین این سرینواسن نے ظہیر کو ان کے تقرر پر مبارکباد دی ۔
