پٹنہ، 15 نومبر (سیاست ڈاٹ کام ) صدر رام ناتھ کووند ضلع سمستی پور میں پوسا واقع ڈاکٹر راجندر پرساد زرعی یونیورسٹی کے پہلے اور قومی انسٹی ٹیوٹ آف ٹیکنالوجی (این آئی ٹی)، پٹنہ کے آٹھویں کنووکیشن میں شرکت کے لئے ایک روزہ دورے پر آج پٹنہ پہنچے ۔مسٹر کووند نئی دہلی سے طیارہ سے یہاں جے پرکاش نارائن بین الاقوامی ہوائی اڈہ پہنچے ، جہاں بہار کے گورنر لال جی ٹنڈن نے ان استقبال کیا۔ اس دوران وزیر اعلی نتیش کمار، اسمبلی اسپیکر وجے کمار چودھری اور قانون ساز کونسل کے کار گذار چیئرمین ھار رشید کے علاوہ چیف سکریٹری دیپک کمار، پولیس ڈائرکٹر جنرل کے ایس دویدی سمیت ریاستی حکومت کے دیگر سینئر افسران موجود تھے ۔اس کے بعد صدر ہیلی کاپٹر سے ڈاکٹر راجندر پرساد زرعی یونیورسٹی کے پہلے کنووکیشن میں شامل ہونے کے لئے پوسا (سمستی پور) روانہ ہو گئے . ان کے ساتھ وزیر اعلی مسٹر کمار بھی ہیں۔ صدر سمستی پور سے لوٹنے کے بعد گورنر ہاؤس میں دوپہر کا کھانا کھائیں گے ۔اس کے بعد شام چار بجے وہ دارالحکومت پٹنہ کے گاندھی میدان کے قریب گیان بھون میں این آئی ٹی کے آٹھویں کنووکیشن میں شامل ہوں گے ۔
