سنندا پشکر کی موت کامعاملہ۔ ششی تھرور پر ’خودکشی کے اکسانے کا الزام‘کانگریس نے ’سازش‘ قراردیا۔

by

سنندا پشکر کی موت کے معاملے میں پولیس نے چارچ شیٹ داخل کردی اور اس میں ششی تھرور پر خودکشی کے لئے اکسانے کا الزام لگایا ہے۔
نئی دہلی۔دہلی پولیس نے پیر کے روز سابق مرکزی وزیروکانگریس لیڈر ششی تھرور کی اہلیہ سنندا پشکر کی موت کے معاملے میں چارچ شیٹ داخل کردی ۔ اپنی چارچ شیٹ میں دہلی پولیس نے تھرور کو 306( خودکشی کے لئے اکسانے) اور 498کا ملزم ٹھرایا ہے ۔

تین ہزار صفحات پر مشتمل چارچ شیٹ تیار کی ہے۔ جنوری2014میں نئی دہلی کی ہوٹل لیلا کے روم نمبر 345میں سنندا پشکر کی نعش مشتبہ حالت میں پائی گئی تھی۔ اسی دوران پولیس کو شبہ ہوا تھا کہ سنندا پشکر نے خودکشی کی ہے اور ممکن تھا کہ موت کے وقت اپنے علاج کی جو دوائیں وہ استعمال کررہی تھیں اس کے زیادہ مقدار اس کی وجہہ ہوسکتی ہے۔

ششی تھرور نے اپنے دو ٹوئٹس کے ذریعہ دہلی پولیس کی چارچ شیٹ پر اپنا ردعمل ظاہر کیا ‘ تھرو ر نے کہاکہ’’ میں چارچ شیٹ داخل کرنے کا مقصد جائزہ لیا ہے جس کا مضبوطی سے مقابلہ کیاجائے گا۔ جوکوئی بھی سنندا کو جانتا ہے وہ صاف طو رپر کہے گا کہ سنندا کبھی خودکشی نہیں کرسکتی ‘ چاہئے میں بھی اگر اس کو اکساتاتو وہ خودکشی نہیں کرتی۔

اگر چار سال کے بعد اس ضمن میں کوئی نتیجے پر پہنچتے ہیں تو دہلی پولیس کے حوصلہ یا پھر طریقہ کار پر سوال اٹھتا ہے۔ اکٹوبر2017میں لاء افیسر نے دہلی ہائی کورٹ میں اپنا بیان قلمبند کرتے ہوئے کہاکہ تھا کہ کوئی بھی اس معاملے میں قصور وار نہیں ہے اور اب چھ ماہ بعد اب مجھ پر خودکشی کے لئے اکسانے کا الزام لگایاجارہا ہے‘‘۔