زنجیری بھوک ہڑتال جاری

میدک ٹاؤن کو ضلع ہیڈ کوارٹر کا درجہ دینے کے مطالبہ پر رام داس ایکس وے پر جاری زنجیری بھوک ہڑتال کا آغاز ہوکر ایک ماہ ہوگیا ۔ ضلع سادھنا سمیتی کی جانب سے شروع کردہ اس زنجیری بھوک ہڑتال کو مقامی بیشمار تنظیموں و سنگموں کی تائید کے علاوہ ٹی ڈی پی ‘ کانگریس ‘ بھاجپا کی بھی پوری حمایت حاصل ہوچکی ہے ۔ روزآنہ ہر پارٹی سے کئی قائدین و کارکن زنجیری بھوک ہڑتال میں حصہ لے رہیں ۔ کانگریس کے ریاستی ترجمان اعلیٰ و سابق ایم ایل اے میدک ‘ ٹی ڈی پی کے سابق ضلع صدر و سابق چیرمین بلدیہ کے علاوہ بھاجپا کے قائدین ہڑتال کیمپ پہنچ کر یگانگت کا اظہار کررہے ہیں ۔ اسی مطالبہ پر 30اکٹوبر کو بطور احتجاج مقامی تمام سرکاری و غیرسرکاری تعلیمی اداروں کو بائیکاٹ کیا گیا جو پُرامن اورکامیاب رہا ۔ آج گورنمنٹ بوائز ہائی اسکول میں سال 2013-14ء کے اکیڈیمک ایئر میں دسویں جماعت میں اعلیٰ نشانات حاصل کرنے والے طلبہ کو کیش ایوارڈ عطا کرنے کا پروگرام رکھا گیا تھا جو بندکی وجہ ملتوی کرنا پڑا ۔ مختلف سیاسی پارٹیوں کی جانب سے ایوارڈ تقریب کے انعقاد سے پہلے بوائز ہائی اسکول پہنچ کر احتجاج کیا گیا ۔

Leave a Comment