ریئل میڈرڈ، 12 مارچ (سیاست ڈاٹ کام) پرتگالی سوپر اسٹار کرسٹیانو رونالڈو نے یورپین فٹبال کی تاریخ میں سب سے زیادہ 78 گولس کا ریکارڈ اپنے نام کر لیا ہے۔ انہوں نے یہ کارنامہ شیشالک کے خلاف میچ میں سر انجام دیا۔ ریئل میڈرڈ کی طرف سے کھیلنے والے پرتگالی سوپر اسٹار نے یہ کارنامہ یورپین چمپئن لیگ میں جاری آخری 16 کے مقابلوں میں کیا۔ اپنا 78 واں گول انہوں نے 177ویں میچ میں اسکور کیا۔ اس سے پہلے 77 گولس کا ریکارڈ اسپینی کھلاڑی رائول کے پاس تھا، جنہوں نے یہ ریکارڈ 168 میچوں میں قائم کیا تھا۔ بارسلونا کلب کے لیونل میسی 95 میچوں میں 76 گولس کے ساتھ تیسرے نمبر پر ہیں۔ رونالڈو نے یورپین چمپئن لیگ میں میسی کا سب سے زیادہ 75 گولس کا ریکارڈ بھی برابر کر دیا ہے۔
