لزبن۔ 26؍مئی (سیاست ڈاٹ کام)۔ پرتگالی اسٹرائیکر کرسٹیانو رونالڈو نے فائنل میں ایٹلیٹکو میڈرڈ کیخلاف ایک گول بنا کر ایونٹ میں اپنے مجموعی گولس کی تعداد 17 تک کر لی، جو کہ کسی ایک ایونٹ میں کسی بھی پلیئر کی جانب سے بنائے جانے والے سب سے زیادہ گول ثابت ہوئے۔ ان سے قبل بارسلونا کے ارجنٹیا اسٹار لیونل میسی نے 2011-12 سیزن میں 14 گول بنائے تھے، تاہم موجودہ سیزن میں رونالڈو کے بعد فرنچ کلب پیرس سینٹ جرمین کے سوئیڈش پلیئر ابراہیمووک زلاٹن 10 مرتبہ گیند کو جال کی راہ دکھانے میں کامیاب رہے،
میسی اور ایٹلیٹکو میڈرڈ کے ڈیگو کوسٹا نے یکساں طور پر 8،8 گول بنائے- مانچسٹر سٹی کے اگیورو اور ڈورٹمنڈ کے لیوانڈوسکی نے فی کس 6 گول اسکور کئے ہیں۔ حالیہ اختتام پذیر سیزن میں ڈورٹمنڈ کے ریوس، مانچسٹر سٹی کے نیگریڈو، یووینٹس کے ویڈال، رئیل میڈرڈ کے گیراتھ بیل اور کریم بینزیما نیفی کس 5 گول بنائے ہں۔ دوسری جانب یوئیفا میں مجموعی طور پر 71 گول بنانے کا ریکارڈ رئیل میڈرڈ اور ایف سی شالکے کے سابق پلیئر رال گونزالز کو ہی حاصل ہے، لیکن موجودہ سیزن کے مظاہرے کے بعد لیونل میسی اور کرسٹیانو رونالڈو کے مجموعی گولز کی تعداد 67سے برابر ہو گئی ہے۔ ڈچ فٹبالر روڈ وان نیسٹلروئے 56 گولز کے ساتھ اس فہرست میں تیسرے نمبر پر ہیں۔