برلن۔20 جون(سیاست ڈاٹ کام) جرمن چینل اے آر ڈی نے خصوصی ٹی وی رپورٹ جاری کرتے ہوئے یہ دھماکہ خیز خبر دی ہے کہ ورلڈ کپ 2018ء کے افتتاحی میچ میں سعودی ٹیم کے خلاف کھیلنے والے روسی کھلاڑیوں نے قوت بخش دوائیں استعمال کی تھیں۔ اس افتتاحی میچ میں روس نے سعودی عرب کو 5-0 گول سے شکست سے شکست دی تھی۔ ہسپانوی جریدے ایس نے توجہ دلائی ہے کہ اگر مذکورہ الزام ثابت ہوگیا تو ا یسی حالت میں افتتاحی میچ کے نشانات سعودی ٹیم کو مل جائیں گے۔ جرمن رپورٹ میں اس اعتماد کا اظہار کیاگیا ہے کہ روسی کھلاڑیوں نے جس طرح 2014ء کے دوران برازیل میں قوت بخش دوائیں استعمال کی تھیں انہوں نے اپنا یہ وتیرہ برقرار رکھا ہوا ہے۔ رپورٹ میں یہ بھی دعویٰ کیاگیا ہے کہ روسی سراغ رساں اس حیلے بازی کو چھپانے کیلئے باقاعدہ مداخلت کررہے ہیں اور فیفا کے عہدیدار الزام ثابت کرنے کی موقف میں نہیں ہیں۔
