جے پور11اپریل (سیاست ڈاٹ کام ) بھارتیہ جنتا پارٹی(بی جے پی) راجستھان میں لوک سبھا انتخابات وزیر اعظم نریندر مودی کی شبیہ کے ساتھ قوم پرستی کے ایشوز پر انتخابات لڑ رہی ہے جبکہ کانگریس نے پاکستان پر فوجی کارروائی کو انتخابی ایشو بنانے پر بی جے پی کو آڑے ہاتھوں لینے کے ساتھ ساتھ روزگار، مہنگائی، نوٹ بندي اور جی ایس ٹی کو ایشو بنایا ہے ۔ریاست میں سابق وزیر اعلی وسندھرا راجے کو مرکزی دھارے سے الگ کرنے کے بعد بی جے پی تنظیم بکھری ہوئی سی لگ رہی ہے اور کئی رہنماؤں نے کانگریس کا دامن تھام لیاہے ۔ بی جے پی کا کوئی بڑا علاقائی لیڈر نظر نہیں آرہا ہے جو کانگریس کے ایشوز کا جواب دے سکے . اسمبلی انتخابات میں بی جے پی کی شکست کے پیچھے کے کچھ اسباب اب بھی پریشان کر رہے ہیں اور پارٹی کوئی ٹھوس حل نہیں نکال پائی ہے ۔جودھپور سے امیدوار اور مرکزی وزیر گجیندر سنگھ شیخاوت کو اسمبلی انتخابات سے پہلے ریاستی صدر بنانے کی کوشش اور بعد میں مخالفت کی آواز اٹھنے اور مانوندر سنگھ کے پارٹی چھوڑنے کے بعد سے آئی راجپوت برادری میں تلخی اب تک پوری طرح نہیں ختم ہوپائی ہے ۔
