نئی دہلی۔17 اگسٹ(سیاست ڈاٹ کام) ہندوستان میں خواتین کیوریٹرز بھی میدان میں آ گئیں۔ بی سی سی آئی کی گراونڈ اینڈ پچ کمیٹی کے زیراہتمام مختلف زونز کے کیوریٹرز کیلئے تربیتی پروگرام کا اہتمام کیا گیا۔ شریک 29 افراد میں2 خواتین شامل تھیں۔ان میں سے جاسینتھا کیلیان کرناٹک اور سوانگی گھوش اڑیسہ سے تعلق رکھتی ہیں۔ کیلیان کرناٹک کرکٹ اسوسی ایشن میں کام کرچکی ہیں اور انھیں پہلے ہی 5برس کا اسسٹنٹ کیوریٹر ہونے کا تجربہ حاصل ہے، اسی طرح سوانگی گھوش باغبانی میں گریجویٹ اور ان کے والد بھی باغبانی سے متعلق تجارت سے وابستہ ہیں۔
