نئی دہلی ۔9 اکٹوبر (سیاست ڈاٹ کام ) ویٹ لیفٹر 15 سالہ جریمی لال رن نْنگا نے یہاں جاری یوتھ اولمپک میں منگل کے روز مردوں کے 62 کلوگرام وزن کے زمرے میں ہندوستان کو پہلا گولڈ میڈل دلادیا ہے۔ شمال مشرق کے ایزل کے رہنے والے جریمی نے ان کھیلوں میں ملک کے لئے گولڈ میڈل حاصل کیا ہے۔ اس سے قبل وہ ورلڈ یوتھ گیمس میں بھی سلور میڈل جیت چکے ہیں۔ انہوں نے ارجنٹینا کے دارالحکومت میں مردوں کے 62 کلوگرام ویٹ لفٹنگ مقابلے میں جملہ 274 کلوگرام وزن اٹھا کر گولڈ میڈل اپنے نام کیا۔ ترکی کے ٹوپاس کانیر نے 263 کلوگرام وزن اٹھاکر سلور میڈل جیتا جبکہ کولمبیا کے لیوار استیوین نے 260 کلوگرام وزن اٹھاکر برونز میڈل حاصل کیا۔میزورم کے نوجوان ایتھلیٹ نے اس برس ایشیائی جونیئر چمپئن شپ میں سلور اور برونزمیڈلس بھی اپنے نام کئے ہیں جبکہ وہ دو قومی ریکارڈ بھی توڑ چکے ہیں۔ جریمی کے اس سے قبل یوتھ اولمپک گولڈ میڈل کے ساتھ ہندوستان کی بھی ان کھیلوں میں یہ اب تک کی بہترین کارکردگی ہے۔
