ووہان۔28 اپریل (سیاست ڈاٹ کام)تیسری سیڈ جاپان کی اکانے یاماگوچی اور ٹاپ سیڈ جاپان کے کیتو موموتا نے ایشیائی بیڈمنٹن چمپئن شپ میں اتوار کو بالترتیب خاتون اور مرد زمرے کے سنگلز کے خطاب جیت لئے ۔پانچویں سیڈ چین کی ہی بگجیاو کو اتوار کو مسلسل گیموں میں 21-19 21-9 سے شکست دے کر خواتین کے سنگلز ٹائٹل جیت لیا۔ یاماگوچی نے محض 42 منٹ میں خطابی جیت حاصل کی۔ دونوں کھلاڑیوں کے درمیان پہلے گیم میں ضرور جدوجہد ہوئی لیکن دوسرے گیم میں چینی کھلاڑی نے خود سپردگی کر دی ۔ عالمی رینکنگ میں چوتھے نمبر کی یاماگوچی نے اس جیت کے ساتھ ساتویں درجہ بندی کی بگجیاو کے خلاف اپنا کیریئر ریکارڈ 9-1 کر لیا ہے ۔مرد فائنل میں موموتا نے دوسری سیڈ چین کے شی یوکي کو ایک گھنٹے 10 منٹ تک چلے جدوجہد میں شکست دے کر ٹائٹل اپنے نام کیا۔ عالمی نمبر ایک کھلاڑی موموتا نے اس جیت سے دوسرے نمبر کے کھلاڑی یوکي کے خلاف اپنا ریکارڈ 4-1 کر لیا ہے ۔میزبان چین کو دونوں سنگلز زمروں میں مایوسی ہاتھ لگی لیکن اس کے کھلاڑیوں نے ٹورنامنٹ میں مکسڈ ڈبلز اور خاتون ڈبلز کے خطاب جیت لئے ۔ہندستان کے لئے یہ ٹورنامنٹ کافی مایوس کن رہا۔ اس کے سرفہرست مرد کھلاڑی کدامبي سری کانت پہلے راؤنڈ میں ہار گئے جبکہ ڈبلز کھلاڑیوں کا چیلنج دوسرے راؤنڈ میں ختم ہو گیا ۔ پی وی سندھو، سائنا نہوال اور سمیر ورما کو کوارٹر فائنل میں شکست کا سامنا کرنا پڑا۔
