حیدرآباد۔ 23؍دسمبر (راست)۔ حیدرآباد کرکٹ اسوسی ایشن کے ایک مقابلہ میں حیدرآباد پینتھرس کے اوپنر سید یوسف تمیم نے 103 رنز کی شاندار اننگز کھیلتے ہوئے ٹیم کے مجموعی اسکور 291/9 میں کلیدی رول ادا کیا جب کہ محمد عدنان احمد نے (55) نصف سنچری اسکور کی۔ جوابی اننگز میں ینگ ماسٹرس نے 293/9 کی شکل میں مطلوبہ نشانہ حاصل کرلیا۔ فاتح ٹیم کو کامیابی سے روکنے میں محمد عدنان نے 62 رنز کے عوض 7 وکٹیں لیتے ہوئے پوری کوشش کی، لیکن ابراہیم بیگ نے 62 رنز اور لوور آرڈر میں معراج نے 32 رنز بناتے ہوئے ٹیم کو کامیابی سے ہمکنار کیا۔
