بیدر 7مارچ (سیاست ڈسٹرکٹ نیوز) جامعہ روضۃ البنات بیدر کے زیر اہتمام کل ہند نعتیہ ومنقبتی مشاعرہ بتاریخ : 10؍ مارچ 2015 ء بروزمنگل بعدنمازعشاء ، بمقام مغل گارڈن فنکشن ہال بیدر میں زیر نگرانی سید شاہ پاشاہ حسین حسینی قادری چشتی بخاری المعروف پاشاہ حسینی سجادہ نشین آستانہ بخاریہ ہمناآباد بضمن صد سالہ عرس سراپا قدس امام اہلسنت عارف با اللہ حضرت علامہ مولانا حافظ امام محمد انوار اللہ فاروقی فضیلت جنگ خان بہادرؒ قدس سرہ العزیز بانی جامعہ نظامیہ حیدرآباد وجلسہ تقسیم اسناد و عطائے خلعت طالبات جامعہ روضۃ البنات بیدر انعقاد عمل میںآئیگا۔جس کی صدارت جناب محمد لئیق الدین ایڈوکیٹ وسابق رکن اسمبلی بیدرکریں گے۔مشاعرہ میں بین الاقوامی شہرت یافتہ شعراء کرام مسرس : ڈاکٹر صلاح الدین نئیر ،ڈاکٹر محب کوثر، ڈاکٹر فاروق شکیل، ڈاکٹر محسن جلگانوی، یوسف روش، زاہد ہریانوی، شکیل حیدرکانپوری، شاہد عدیلی، ڈاکٹر طیب پاشاہ قادری، حافظ و قاری واحد نظام آبادی، شاہنواز ہاشمی ، زبیر قمردیگلور، مقبول احمد مقبول اودگیر، مصطفی عادل حیدرآباد ، اکرم نقاش گلبرگہ ، جمیل نظام آبادی، فیاض علی سکندر، سیف الدین سیف غوری، شکیل ظہیرآبادی،تنویر سلمان ہمناآباد، نثار احمد کلیم ، باسط خاں صوفی نعتیہ ومنقبتی کلا م سنانے کی سعادت حاصل کرینگے۔ناظم مشاعرہ بین الاقوامی شہرت یافتہ شاعر وادیب عالیجناب اسلم فرشوری ہونگے۔مشاعرہ میں خواتین کے لیے پردہ کا علیحدہ سے نظم رہیگا۔ مشاعرہ کے موقع پر بانی جامعہ نظامیہ و علماء اہلسنت کی نایاب کتابوں کی نمائش کا اہمتام رہیگا۔ عامۃ المسلمین مع دوست واحباب شرکت کی گذارش کی ہے۔
