نظام آباد:3؍ ستمبر (سیاست ڈسٹرکٹ نیوز)شہر نظام آبادکے IIIٹائون کے علاقہ میں بم رکھنے کی جھوٹی اطلاع دینے والے ملزم کو IIIٹائون پولیس نے گرفتار کرتے ہوئے ریمانڈ پر دے دیا۔ IIIٹائون میں منعقدہ پریس کانفرنس سے مخاطب کرتے ہوئے سرکل انسپکٹر نظام آباد ٹائون سیدیا، سب انسپکٹر IIIٹائون سری ہری نے بتایا کہ 19؍ اگست کے روز حجام گلی کے علاقہ میں بم رکھنے کی جھوٹی اطلاع ڈائیل 100 کو دینے پر پولیس فوری متحرک ہوتے ہوئے اس علاقہ میں چھان بین کرنا شروع کیا اور بعد تحقیقات جھوٹی اطلاع ثابت ہونے پر ڈائیل 100 پر کئے گئے کال کی تفصیلات حاصل کرتے ہوئے فون نمبر 7893095026 کی حیثیت سے شناخت کرتے ہوئے آرمور کے زراعت نگر کے محمد امیرکی حیثیت سے شناخت کرتے ہوئے اسے تحویل میں لے کر پوچھ تاچھ کرنے پر بتایا کہ امیر ڈائیل 100 کے علاوہ 104,108 کو غلط کالس کیا کرتا تھا اور اسی طرح 19؍ اگست کے روز بھی ڈائیل 100 کو جھوٹی اطلاع دی ہے۔ امیر پیشہ ور پنٹر ہے اوریہ نشہ کا عادی ہے۔ نشہ کے بعد اس طرح کی حرکتیں کیا کرتا تھا پولیس نے اسے گرفتار کرتے ہوئے ریمانڈ پر دے دیا۔
