حیدرآباد /8 ڈسمبر ( سیاست نیوز ) برقی شاک کی زد میں آکر دو افراد فوت ہوگئے ۔ یہ دو علحدہ واقعات ونستھلی پورم اور ہمایوں نگر پولیس حدود میں پیش آئے ۔ ونستھلی پورم پولیس کے مطاقب 25 سالہ بابو جو پیشہ سے کنٹراکٹ مزدور تھا ۔ حیات نگر میں رہتا تھا وہ 6 ڈسمبر کی شام کام کر رہا تھا کہ برقی شاک کی زد میں آکر شدید زخمی ہوگیا اور علاج کے دوران کل رات دیر گئے فوت ہوگیا ۔ ہمایوں نگر پولیس کے مطابق 50 سالہ جی ایس ار جو پیشہ سے مزدور تھا ۔ عطاپور علاقہ میں رہتا تھا وہ برقی پول پر کام کر رہا تھاکہ کام کے دوران شاک کی زد میں آکر نیچے گر گیا اور شدید زخمی ہوگیا جو علاج کے دوران فوت ہوگیا ۔ پولیس نے مقدمات درج کرلئے ہیں اور مصروف تحقیقات ہے ۔
