مناما۔7اکٹوبر ( سیاست ڈاٹ کام ) بحرین میں ویلیو ایڈڈ ٹیکس(ویاٹ) کا نفاذ یکم جنوری سے ہوگا۔ بحرینی پارلیمنٹ نے حتمی منظوری دیدی ہے۔ تفصیلات کے مطابق آج اتوار کو پارلیمنٹ کے اجلاس میں ویلیو ایڈڈ ٹیکس کے نفاذ پر بحث ہوئی۔ پارلیمنٹ کے ارکان نے منتخب اشیائپر 5فیصد ٹیکس نافذ کرنے کی منظوری دیدی ہے۔ جی سی سی ممالک کے درمیان ہونے والے معاہدے کے مطابق واٹ سے چند منتخب اشیاء کو استثنی ہوگا۔ ان اشیائکا تقررکرنا ہر ملک کے اختیار میں ہوگا۔ واٹ کا نفاذ فروخت ہونے والی مختلف اشیائپر ہوگا۔ اس کا اطلاق آمدنی پر نہیں ہوگا۔ جن اشیائپر واٹ کا نفاذ ہوگا ان کی قیمت میں 5فیصد اضافہ ہوگا۔ یہ اضافی قیمت صارف کو ادا کرنی ہوگی۔
