نئی دہلی ۔ /22 جولائی (سیاست ڈاٹ کام) انڈین کرکٹ کھلاڑی اپنی شوق اور پرجوش کھیل کیلئے مشہور ہیں اور محدود دائرے کے انداز میں کھیلتے ہیں لیکن ہندوستانی کوچ راہول ڈراویڈ نے ان کا دفاع کرتے ہوئے کہا کہ ریشب میں ایسی کچھ مخصوص صلاحیت ہے کہ وہ گیند کو مختلف زاویوں سے گھمانے کا ہنر رکھتے ہیں اور وہ بھی طویل فاصلہ کے ماہر ہیں۔ ڈراویڈ نے بی سی سی آئی ۔ ٹی وی سے بات کرتے ہوئے کہا کہ ریشب کی باؤلنگ میں ایک قسم کا تنوع ہے اور مختلف انداز سے گھمانے کی بھرپور صلاحیت رکھتے ہیں ۔ سابق ہندوستانی کپتان ڈراویڈ انڈر ۔ 19 میں بھی ریشب پنت کے کوچ رہ چکے ہیں کہا ہے کہ وہ ان کے کھیل کو ظاہری و باطنی دونوں خوبیوں کے تناظر میں جانتے ہیں اور کہا کہ نہ صرف طویل فاصلاتی رفتار سے رن بناسکتے ہیں بلکہ میاچ کی نوعیت کو بھانپنے کی صلاحیت رکھتے ہیں ۔ اس کے علاوہ وہ ایک حملہ آور کھلاڑی کی حیثیت سے کھیلتے ہیں لیکن موقع کی نزاکت سے اپنے انداز کو تبدیل بھی کرسکتے ہیں اور ڈراویڈ کو فخر ہے کہ انڈیا کرکٹ ٹیم میں ایک باصلاحیت اور ہونہار کھلاڑی کو چنا گیا ہے اور وہ اپنے کھیل کی بدولت مزید نکھار پیدا کریں گے اور مسلسل آگے بڑھتے ہی جائیں گے ۔
