امریکہ میں ہندوستانیوں پر حملہ ممتا کا سشما کومکتوب

کولکاتہ:چیف منسٹر مغربی بنگال ممتا بنرجی نے آج مرکز سے درخواست کی ہے کہ امریکہ میں ہندوستانیوں پر حالیہ حملوں کا معالہ اعلی ترین سطح پر اٹھایا جائے تاکہ اس طرح کے واقعات کا اعادہ نہ ہو۔

ممتا نے ایک بیان میں بتایا کہ انہوں نے آج ایک مکتوب سشما سوارج کو تحریر کیااور امور خارجہ کو امریکہ میں حملوں اور نوجوان ہندوستانیوں کی بدبختانہ اموات کے حالیہ واقعات کے بارے میں توجہہ دلائی۔

چیف منسٹر نے کہاکہ یہ بلاشبہ گہری تشویش کا معاملہ ہے اور مجھے دلی ہمدردی ہے ان خاندانوں سے جو متاثر ہوئے ہیں۔

ممتا نے کہاکہ حالیہ حملوں نے امریکہ میں مقیم ہندوستانیوں کی بڑی تعداد کے ارکان خاندان میں مختلف وجوہات کی بناء خوف وتشویش کا ماحول پیدا کردیا ہے۔ امریکہ میں بڑی تعداد میں ہندوستانی تعلیم حاصل کررہے ہیں برسرروزگار بھی ہیں ان میں بہت ساری مستقبل سکونت پذیر بھی ہیں۔

Leave a Comment