دریں اثناء ہندوستانی آف اسپنر روی چندرن اشوین آج جاری کردہ آئی سی سی بولرس رینکنگ میں دو مقامات کی چھلانگ کے ساتھ دسویں پوزیشن پر پہنچ گئے ہیں ۔ اشوین جنہوں نے بنگلہ دیش کے خلاف تین ونڈے میچوں میں 6وکٹیں لئے ‘ اس سیریز میں ہندوستان کے سب سے زیادہ کامیاب بولر ثابت ہوئے اور وہ ٹاپ 10کی فہرست میں شامل ہونے والے بھی واحد ہندوستانی ہیں ۔ تاہم اشوین بنگلہ دیش کے لفٹ آرم پیسر مستفیض الرحمن ( 3میچوں میں 13وکٹیں) سے کافی پیچھے رہ گئے جنہیں آسٹریلیا کے میچل اسٹارک کی قیادت والے چارٹ میں 88واں رینک حاصل ہوا ہے ۔ بیٹنگ چارٹ میں ویراٹ کوہلی ہندوستانی کھلاڑیوں میں سب سے آگے چوتھی پوزشین پر ہیں جب کہ اوپنر شکھر دھون ایک مقام گھٹ کر ساتویں رینک پر آگئے ہیں ۔ سریش رائنا کی درجہ بندی میں دو مقامات کی بہتری ہوئی اور اب وہ 18ویں پوزیشن پر ہیں ۔
