نئی دہلی۔5 ستمبر (سیاست ڈاٹ کام ) ہندوستان کے سینئر اسپنر ہربھجن سنگھ نے انگلینڈ سے سائوتھمپٹن ٹسٹ میں شکست کا ملبہ روی چندرن اشون پر ڈال دیا ہے۔ہربھجن سنگھ نے کہا ہے کہ چوتھے ٹسٹ میں اشون متاثر کن بولنگ نہیں کرپائے جو60 رنز سے ہندوستانی شکست کی ایک بڑی وجہ بھی ہے۔ میچ سے قبل اشون زخمی ہوگئے تھے اور وہ اس مقابلے میں صرف 3 وکٹیں ہی لے سکے۔دوسری جانب پانچ ماہ کے عرصہ کے بعد ٹیم میں واپس لوٹنے والے انگلش اسپن آل رائونڈر معین علی نے 9 وکٹیں حاصل کرتے ہوئے اپنی ٹیم کامیابی میں اہم کردار ادا کیا۔
