یوپی کی ترقی ہی حکومت کا مشن: مودی

نئی دہلی:اترپردیش میںیوگی ادتیہ ناتھ کی زیرقیادت حکومت کی تشکیل کے بعد وزیراعظم نریندر مودی نے کہاکہ حکومت کا اہم مقصد اور مشن صرف ریاست کی ترقی ہوگا۔

انہوں نے سخت گیر ہندتوا کی علامت آدتیہ ناتھ کے چیف منسٹر بننے کی وجہہ سے پائے جانے والے خدشات کو دور کرنے کی کوشش کرتے ہوئے کہاکہ ایک عظیم او رترقی یافتہ ہندوستان کی تعمیر کے لئے کوششیں جاری رہیں گی۔

انہوں نے کہاکہ بی جے پی نے 5ریاستوں کے منجملہ4ریاستوں میں اپنی حکومت قائم کی ہے ۔ انہوں نے تقریب حلف برداری میں شرکت کے بعد سلسلہ وار ٹوئٹس کے ذریعہ اس یقین کا اظہار کیاکہ نئی حکومت اترپردیش کی ریکارڈ ترقی کے لئے کام کریگی ۔

انہوں نے ایک او رٹوئٹ میں کہاکہ عوام کے آشیرواد اور بی جے پی کارکنوں کی سخت محنت کے باعث ہم نے پانچ ریاستوں میں جہاں انتخابات ہوئے چار میں حاصل کی اور حکومت تشکیل دی ہے۔