یوپی میں اوٹکل ایکسپریس کی چھ بوگیا ں پڑیوں سے اتر گئیں۔ چار کی موت کئی زخمی ۔ ویڈیو

لکھنو: عہدیداروں کے مطابق اترپردیش میں کھاتولی کے قریب اوٹکل ایکسپریس کی چھ بوگیاں پڑیوں سے اترنے کے واقعات کے بعد کم سے کم بیس لوگوں کے زخمی ہونے کی اطلاعات موصول ہورہی ہیں۔ این ڈی ٹی وی میں شائع خبر کے مطابق کم سے کم چار لوگوں کی موت بھی اس واقعہ میں پیش ائی ہے۔

ضلع مظفر نگر کے کھاتولی کے قریب میں 5:46کے قریب یہ واقعہ پیش آیا

محکمہ ریلویز کے عہدیداروں کے مطابق ٹرین اڈیشہ کے پوری سے اتراکھنڈ کے ہری دوار جاری رہی تھی۔نارتھرن ریلویز کے ترجمان نے ائی اے این ایس کو بتایا کہ ’’ چھ کوچ پڑیوں سے اتر گئے ہیں جس میں بیس لوگوں شدید زخمی ہوئے‘‘۔

انہوں نے مزید کہاکہ ریلویز کی میڈیکل ویان بھی موقع پر پہنچی۔

ریلوے منسٹر نے سلسلہ وار ٹوئٹ میں بتایا کہ واقعہ کی تحقیقات کا حکم دیا گیا ہے اور انہوں نے اس بات کی بھی اطلاع دی کہ وہ وہ راست حالات پر نظر رکھے ہوئے ہیں اس کے علاوہ عہدیداروں کو حالات معمول پر لانے کے لئے جنگی خطوط پر کام کرنے کی ہدایت بھی جاری کی گئی ہے

۔انہو ں نے مزید بتایا کہ وہ چیف منسٹر یوگی ادتیہ ناتھ سے مسلسل رابطے میں ہیں اور ضلع انتظامیہ بھی جنگی خطوط پر راحت کاری کے امور انجام دے رہا ہے