نتن کڈکری بولے ہمیں پتہ تھا ہم اقتدار میں نہیں ائیں گے‘ اس لئے کئے بڑے بڑے وعدے

ممبئی۔ بی جے پی کے سینئر لیڈر نتن کڈکری کا ایک ٹیلی ویثرن چیانل کو حال میں دئے گیا بیان پارٹی کیلئے درد سر ثابت ہوسکتا ہے۔ مرکزی وزیربی جے پی کی جانب سے کئے گئے تنازعات کو لے کر کہا کہ’’ ہمیں اس بات کا پورا بھروسہ تھا کہ ہم کبھی اقتدار میں نہیں آسکتے۔

اس لئے ہمیں بڑے بڑے وعدے کرنے کا مشورہ دیاگیا‘۔شو کے دوران کڈگری نے کہاکہ ’اب ہم اقتدارمیں ہیں۔ جنتا ہمیں اب ان وعدوں کی یاد دلاتی ہے ‘ جو ہم نے کئے تھے۔ حالانکہ ان دنوں ہم ان پر صرف ہنستے ہیں اور آگے بڑھ جاتے ہیں‘۔

کڈگری کا یہ بیان اپوزیشن کے لئے حکومت کو گھیرنے کا ایک بہترین ہتھیار ثابت ہوسکتا ہے۔کچھ دنو ں قبل کڈگری کایہ انٹریو ایک مراٹھی چیانل پر دیکھا گیا تھا۔

کڈگری کے اس تبصرے پر فوری حرکت میںآتے ہوئے اپوزیشن کانگریس نے ٹوئٹ کیااو رکہاکہ’’ کڈگری نے یہ ثابت کردیا ہے کہ بی جے پی سرکاری جملوں اور جھوٹ پر بنی ہے‘۔

اتنا ہی نہیں بلکہ کانگریس صدر راہول گاندھی نے بھی اس پر ٹوئٹ کرتے ہوئے کہاکہ ’’ آپ صحیح ہیں ۔ یہاں تک کے لوگ اب یہ سونچنے پر مجبور ہوگئے ہیں کہ ان کی امیدوں او ربھروسہ کا استعمال پارٹی کیضرورتوں کو پوری کرنے کے لئے کیاگیاہے‘۔